Death

 మరణం కాదు మరొక రణం,

నీ జీవిత పయనానికి తీర తోరణం,

కాలం నిన్ను తరిమే ఆఖరి క్షణం,

అనంతాన్ని  ఆనందాన్ని అదించే నీ సంపూర్ణం..

My lyrics to Maruvaarthai song

మరు మాట యొచించకే, ఒడి లోన నిదురించవే,
కనుపాపలా నువ్వు మారితే, కను రెప్పై నేనవ్వనా, 
మధురాతి మధురం నువ్వు చేరే సమయం,
తుద లేని గమనం నీతో సాగే పయనం,
విడదీయు దూరలే జడి వానలా చేరితే,
సడి చెయ్యని కన్నీరే కడలల్లే నను ముంచదా,
మరువనుగ నేనిన్నే నువ్వు లేక నే లేనులె,
తనువిడిచినా నేను నా ప్రేమ మరుగవ్వదే....

తడి ఆరని స్వేదాలు, గది దాటని వివరాలు,
అలుపెరుగక సాగే పరువం,ఏనాటికైనా మరువం,
కదిలేటి గడియారం, పలికిందొక మర్మం,
పెనవేసిన అధరాలకు, చాలంది దాహం,
నీ జ్ఞాపకం వరం, అది ఆపుటెవరం తరం,
మొదలైన తుద అయినా నీవే నా సర్వస్వం..

పలు మార్లు మరణించినా , మరుమారు జన్మించనా,
నీ ప్రేమ కొరకై మగువా,ఏ భారమైనా బరువా?
హ్రుదయానికి ఎద గానం నీ పేరే తెలుసా?
ఉదయానికి తొలి కిరణం నీ చూపే బహుశా!!
పిడి వాదం వదిలి,దరి చేరవే చెలి,
విసిరే దరహాసం, ముసిరే మధుమాసం..... 

#Kaunmera from Special 26 my telugu Lyrics

ఏమి మాయో,నాలో నేను మాయం,

మౌనమేల చేసి, తీపి గాయం,

ఊహలను ఊహలలో ముంచే మహిమ నీదే..

వెతికి వెతికి అలసిసొలసిన నీ కను చూపే ,

                                 నన్ను చేరుతుంటే..

జన్మ జన్మకు భేదమేంటో ఈ పెను మార్పే,

                              నాకు తెలుపుతుంటే..

ఇది మైకమో, మరు లోకమో నే తేల్చలేకున్నా..
మరు ప్రాణమై నీ ప్రేమ నాలో చేరి పోతుంటే...

Good morning

వేకువ వెలుగులు తొడిగి వికసించె,
మాపటి కలలే నిన్నే వెలిగించె,  
వదిలెయ్యి నిదుర,అడుగెయ్యి పదర..  
నీ రాక కొసమే వేచింది లోకం..  

రూపు రేఖలు లేని మనసంట, 
ఊపిరి ఆపుకొలేని  మనమంత,
నీ మనసు మెరుపు, నీ ఒంటి విరుపు
కలగలిసి కదిలితే నీదేలే గెలుపు 

The Human

క్షుద్రం నేనే,రుద్రం నేనే

శౌర్యం నేనే, శాంతం నేనే

వేగం నేనే,వేదం నేనే,

వేషం నేనే,ఆవేశం నేనే,

గరళం నేనే,సరళం నేనే,

వలయం నేనే,విలయం నేనే,

సంద్రం నేనే,చంద్రం నేనే

క్షణక్షణం లోకం తీరునుబట్టి రూపం మార్చే మనిషిని నేనే,, 

అంతానికి అనంతానికి నడుమ నడకలు నేర్చుకుంటున్న నరుడిని నేనే.....

Who are you?

Who are you?
ప్రశాంత విశ్వంలో అలజడి రేపే సూక్ష్మం నువ్వా,
ప్రభాత సూర్యంలో వెలుగును నింపే సూత్రం నువ్వా,
Who are you?
అనంత కాలానికి అంతాన ఉన్న ఆరక్షణమే నువ్వా,
అమేయ శూన్యానికి ఆఖరున ఉన్న సరిహద్దు నువ్వా...

The magic of her looks

నా గుప్పెడు గుండెని తక్కెడ వేస్తే లెక్కే తేలని బరువు తూగింది,
నీ చప్పుడు చేయని కన్నులు చూస్తే రెక్కలు తొడిగి అది పైకి ఎగిరింధి,

నీ అడుగులు వెంట నేను పరుగెడుతుంటే,
నా నీడే నన్ను దాటి,నీ వైపుకి లాగుతున్నది,
ఈ మిణుగుకు మంట నీ చూపుల మాయే,
నా ఊపిరి సైతం మారి, నీ ఊహలకు రూపమైంది.....